لچّه‌کار: پرید پِراک
آگاه اِنت چمّءِ واب ءُ گار اِنت دلءِ کرار
مارا زمانگءَ پرے هالءَ کتگ بچار!
یک رۆچے الّمءَ مئے گلێں راز پاشک بیت
دان چینچو وهدءَ گپّءَ دلءَ داریت رازدار
اندێم بکن وتءَ چه تهاریءِ هاجتءَ!
گۆن ماهکانءَ نند منی کسّهءَ تؤ بیار!
کئی اۆستءِ پلّؤءَ تؤ وتی مِهر بستگ‌اَنت
کئی انتزارءِ کئیپءَ ترا چُش کتگ خمار
دنیاءَ آزمانءِ همُک دمک گۆلتگ
من انگتءَ پرید زمینّءَ وتیگءَ گار
- ۱ نظر
- ۲۵ اسفند ۰۰ ، ۲۲:۱۴
